Japonia dhe Singapori kanë ende pasaportat më të fuqishme në botë, ka zbuluar një renditje e re globale për vitin 2022. Qytetarët e tyre mund të udhëtojnë në 192 vende pa viza. Gjermania dhe Koreja e Jugut qëndrojnë në vendin e dytë, me mbajtësit e pasaportave në gjendje të aksesojnë 190 destinacione pa viza. Ndërsa Finlanda, Italia, Luksemburgu dhe Spanja ndajnë vendin e tretë, me një rezultat prej 189 vendesh.
Pasaportat e SHBA-së dhe Britanisë së Madhe kanë rifituar një pjesë të fuqisë së tyre të mëparshme pasi ranë në vendin e tetë në vitin 2020 vendi më i ulët i mbajtur nga secili vend në historinë 17-vjeçare të indeksit. Të dy vendet tani janë në vendin e gjashtë, me një rezultat prej 186 vendesh nga 185 në renditjen e tremujorit të katërt 2021.
Renditja është prodhuar nga Indeksi i Pasaportave
Henley”, i cili bazohet në të dhëna ekskluzive nga Shoqata Ndërkombëtare e Transportit Ajror (IATA). Ai analizon se në sa vende mund të hyjë një mbajtës i pasaportës pa vizë paraprake. Indeksi i pasaportave Henley thotë se rezultatet dhe hulumtimet e tij më të fundit tregojnë nivele rekord të lirisë së udhëtimit për vendet e rangut më të lartë Japonia dhe Singapori, por edhe hendekun më të madh të regjistruar global të lëvizshmërisë që nga fillimi i indeksit.
Ai thekson se pa marrë parasysh kufizimet në zhvillim dhe të përkohshme të lidhura me Covid-in, mbajtësit e pasaportave të dy vendeve aziatike mund të hyjnë në 166 destinacione më shumë pa viza sesa Afganistani, i cili ndodhet në fund të indeksit. Qytetarët e saj mund të hyjnë pa viza vetëm në 26 vende.
Ndërkohë vendi ynë Shqipëria renditet në vendin e 49 dhe shqiptarët mund të vizitojnë 114 shtete pa viza. Nga ana tjetër Kosova renditet në vendin e 103 krahas Libisë dhe Bangladeshasit dhe mbajtësit e pasaportës kosovare mund të vizitojnë vetëm 40 shtete pa viza.
