Shuhet aktori, regjisori dhe dramaturgu i njohur Fabit Beqiri. Lajmi i trishtë bëhet me dije nga miq dhe të afërm përmes postimeve në rrjete sociale.
“…nën një portokalle moj të ndala unë ty; lulet e limonit moj të binin mbi sy…”. Janë këto vargje që bashkë me veprën e tij artistike do ta bëjnë të pa harruar për të gjithë ne.
“Rrugët e Vlorës kanë qënë të mbushura me limon dhe portokalle. Ne e nisnim ngacmimin te limonët dhe e vazhdonim te pemët e portokalleve, ky ishte dhe kuptimi i agrumeve te kënga që kam shkruar për të bukurën Dashuri”, rrëfente vite më parë pinjolli i fundit i krijimtarisë së muzikës së parë qytetare vlonjate për gazetarin Enrik Mehmeti.
