Kanë vijuar dhe gjatë natës së të hënës dhe orëve të para të mëngjesit të së martës reshjet e borës në qarkun juglindor të Korçës.
Sipas informacioneve, në zonën e Dardhës ka rreth 25 cm borë dhe qarkullimi bëhet me zinxhirë vetëm nga kilometri i 11 deri në të 14-in.
Aksi i Voskopojës kalohet pjesërisht me zinxhirë. Trashësia e borës në këtë zonë varion 7-10 cm.
Aktualisht në zonat malore temp kanë arritur më tepër se minus 11 gradë, ndërkohë që policia iu bën thirrje drejtuesve të mjeteve të tregojnë kujdes dhe të përdorin zinxhirë dhe gomat e dimrit.
