Skënderbeu gjen marrëveshjen me FIFA-n, korçarët të lirë në merkato. Skënderbeu ka zgjidhur çështjen e merkatos me FIFA. Të bllokuar nga institucioni i futbollit botëror, korçarët kanë paguar shumën e prapambetur ndaj lojtarit Emmanuel Essien për të zhbllokuar gjithçka.
Ish-mesfushori i korçarëve dy sezone më parë zhvilloi vetëm 11 ndeshje, teksa klubi bardhekuq i detyrohej 2400 euro.
Një shumë e pakonsiderueshme kjo për arkat korçare, që kanë të drejtë tanimë të afrojnë lojtarë në merkato. Klubi ka afruar deri tani Erlis Frashërin për mbrojtjen, duke e regjistruar lojtarin për pjesën e mbetur të sezonit.
Në provë vijon të jetë Klodian Gjino që vjen nga Greqia dhe Levendi i Apolonisë. Ende asnjë njoftim zyrtar për afrimet nga korçarët.
