Ministria e Shëndetësisë në Kosoë njoftoi këtë të Hënë se janë regjistruar 236 raste të reja me koronavirus, nga 8,460 testime.
Nuk raportohet për humbje jete.
Në raportin për 24 orët e fundit, bëhet e ditur se janë shëruar edhe tetë pacientë, ndërsa raste aktive janë 1,780.
Sa i përket vaksinimit kundër koronavirusit, autoritetet shëndetësore kanë administruar edhe 904 doza kundër COVID-19.
Që prej fillimit të procesit të imunizimit, në Kosovë me dy doza të vaksinës janë imunizuar 790,175 persona.
Të hënën, Instituti Kombëtar i Shëndetësisë Publike (IKSHPK) paralajmëroi se në Kosovë mund të përkeqësohet situata epidemiologjike, për shkak të përhapjes së variantit Omicron të koronavrisut.
IKSHPK-ja bëri thirrje që të mos ketë grumbullime të qytetarëve.
