Lulzim Basha këmbëngul se personat brenda selisë së PD-së që goditën dhe sulmuan protestuesit gjatë protestë së të Shtunës, nuk përdorën gaz lotsjellës, por fikëse zjarri.
“Duket si gaz, por s’është gaz është pluhur i bardhë për të fikur zjarrin”, tha Basha në një prononcim për “News 24”.
Nga kampi tjetër ndërkohë, deklaratat e Bashes janë të gënjeshtra.
Lidhur me atë që ndodhi më 8 Janar, Basha bën përgjegjës Berishën.
“E e patë se pasi orkestroi, dirigjoi dhe mbikqyri dhunën kundër shtëpisë së demokratëve, Sali Berisha e mohoi atë. Ai kishte ardhur këtu jo thjesht me synimin për ta pushtuar këtë godinë, por për të shkaktuar vëllavrasje mes demokratëve. E pra, ky skenar dështoi dhe dështoi edhe falë qëndrimit që mbajtën demokratët duke përfshirë edhe ata që sot e shohin veten e tyre në kundërshtim me mua apo kritik të mi, të gjithë, pa përjashtim dua t’i falënderoj për braktisjen totale që i bënë thirrjeve të Sali Berishës për të bërë gjakderdhje mes demokratëve për të mbuluar skandalin e tij të madh atë të pengmarrjes së Partisë Demokratike për t’u mbrojtur nga non grata amerikane”, u shpreh Basha.
