Përplasja në PD, Rama hyn si pykë mes demokratëve/ Ja lëvizja e tij

Kryeministri Edi Rama njofton se do të zhvillojë sot një komunikim live në faqen e tij të “Facebook”.

Në një postim në rrjet, teksa ju uron qytetarëve “mirëmëngjes”, Rama thekson se do të zhvillojë bashkëbisedim me demokratët, në orën 12:00.

Siç duket, kryeministri do të komentojë ngjarjet e ditës së djeshme në PD, ku ish-kryeministri Sali Berisha dhe mbështetësit e tij, organizuan një protestë, me qëllim zbatimin e vendimeve të Kuvendit të 11 dhjetorit dhe referendumit të 18 dhjetorit, por u përballën me gazin e hedhur nga persona brenda selisë së PD dhe më pas me ndërhyrjen e dhunshme të policisë.

LEXO EDHE  Nishani: Rama kreu një akt skandaloz dhe fyes ndaj besimtarëve myslimanë

Kryeministri Edi Rama u akuzua dje nga demokratët protestues se i erdhi në ndihmë me polici Lulzim Bashës, të cilin e konsiderojnë një peng dhe kamikaz të Ramës. Në anën tjetër edhe Basha akuzon Berishën dhe mbështetësit e tij se po bëjnë lojën e Kryeministrit.