Komisioni i Rithemelimit të Partisë Demokratike i konsideroi trillime bajate për beteja imagjinare deklaratat e kryetarit të Partisë Demokratike Lulzim Basha për rindërtimin e Shqipërisë pas shkatërrimit që i ka bërë “Trekëndëshi i Bermudës” Rama-Meta-Berisha.
Nëpërmjet zëdhënëses, Komisioni i Rithemelimit të PD thotë se Basha është skllav i emëruar nga kryeministri Edi Rama.
Organi i dalë nga Kuvendi i 11 dhjetorit akuzoi Ramën me kërkesë të kryedemokratit dhunoi dhe helmoi me gaz lotsjellës demokratët në godinën e PD.
Komisioni i Rithemelimit shton se misioni i tij është garantimi i pluralizmit të vërtetë politik, çlirimi i PD dhe opozitës nga pengmarrja e Ramës dhe pazareve të pista me skllavin e tij Lulzim Basha.
“Lulzim Brava eshte pergjegjesi kryesor i humbjeve te njepasnjeshme te Partise Demokratike. Pasi i shiti dhe shkeli per 8 vjet sakrificat e demokrateve per pazar – koncesionet me Edi Ramen, ai ne bashkepunim me kete te fundit dje, dhunoi, gjakosi dhe helmoi demokratet vetem e vetem per te vazhduar korrupsionin dhe pasurimin e tij!
Dje, shqiptaret u bene deshmitare se Edi Rama me kerkesen e skllavit te tij, ushtroi dhune arrestime dhe gazlotsjelles ndaj mijera demokrateve. Qellimi i Edi Rames eshte te mbaje me cdo kusht ne krye te selise e PD skallvin e tij. Ndersa qellimi i vetem i pengut eshte te vazhdoje pazaret me Edi Ramen ne kurriz te humbjeve dhe sakrificave te demokrateve!” – thuhet ndër të tjera në reagimin e Komisionit të rithemelimit.
