“Demokratët duan të largojnë Bashën si tradhëtar”, ja çfarë shkruan media suedeze për protestën

Protesta e zhvilluar dje në selinë e Partisë Demokratike ka tërhequr vëmendjen e mediave ndërkombëtare, që përgjithësisht e kanë pasqyruar si një përplasje brenda llojit.

Media kryesore suedeze, MSN, në pasqyrimin që i ka bërë protestës, shkruan se protestuesit e zemëruar hynë në ambientet e partisë kryesore opozitare të Shqipërisë në kryeqytetin e Shqipërisë, Tiranë, të shtunën në lidhje me kontestimet mbi udhëheqjen e Partisë Demokratike.

Kjo media raporton se protestuesit të udhëhequr nga Sali Berisha duan të largojnë Lulzim Bashën nga drejtimi i PD, të cilin e akuzojnë si tradhtar dhe bashkëpunëtor të Edi Ramës.

LEXO EDHE  I ftohti ekstrem, apeli i Ballukut: Mos shpërdoroni energjinë elektrike

“Berisha dhe mbështetësit e tij duan të largojnë kreun e partisë Lulzim Basha, për të cilin besojnë se është një tradhtar që po bashkëpunon me kryeministrin Edi Rama.

Policia shkoi në vendngjarje dhe hodhi gaz lotsjellës për të shpërndarë ngatërrestarët. U arrestuan 25 protestues dhe 8 funksionarë partie”, thekson më tej media suedeze.