Ish-Kryeministri, Sali Berisha, i shoqëruar nga anëtarë të Komisionit të Rithemelimit, u shpreh nga selia e Partisë Demokratike, se kush e njeh Lulzim Bashën si kryetar, pas asaj të djeshmes, vetëm po destabilizon Shqipërinë.
“Protesta do të mbahet. Kjo është selia e PD. Ata që pranojnë për kryetar të PD-së, kryetarin e emëruar nga Edi Rama me policë, bëjnë një akt destabilizues ndaj Shqipërisë. Ne kemi zbatuar rregullat në mënyrë rigoroze.
Ju e patë që asnjë gur nuk u hodh ndaj policisë, pavarësisht nga sjella shtazore e saj, nga sasia shumë herë e palejueshme e gazit që u hodh ndaj demokratëve.
Arsyeja e vetme e ndalimit të protestës ishte gazi i hedhur në mënyrë toksike. Unë këtu isha, hodhë gaz, më hodhën gaz edhe mua, por kjo më bën më të fortë mua.
Asnjë viktimë nuk do të kishte, a patë ju ndonjë të armatosur.
Shkatërrimi i tmerrshëm i godinës është blindimi, shndërrimi i saj në një bunker si asnjë ndërtesë tjetër partie në Europë, identike si kryeministria e Edi Ramës.
Nuk ka shqiptar që Edi Rama ka një zyrë në kryeministrit dhe deri sa ta çlirojmë edhe një zyrë në këtë seli. Lulzim Basha në mënyrë përfundimtare është murosur në muret e kryeministrisë deri sa ta çlirojmë nga Edi Rama.
Ne nuk thamë që nuk do të hapim dyert”, tha Berisha.
Duke komentuar deklaratat dhe komentet e Kryeministrit Edi Rama, Berisha theksoi se cinizmi i tij është ekstrem.
