Berisha: Basha ka strehuar në PD banditët, me makinën e tij ka nxjerrë jashtë armët

Ish-kryeministri Sali Berisha ka deklaruar sot para selisë së Partisë Demokratike se do të ketë të tjera protesta, pas asaj të zhvilluar dje, por shtoi se kjo do të vendoset në një moment të dytë “kur të jetë koha më e përshtatshme.”

Berisha tha se protesta e djeshme ishte paqësore, ndërsa akuzoi Lulzim Bashën se është duke bashkëpunuar me kryeministrin Edi Rama.

“Do të mbahet protesta e radhës, por gjithçka do të jetë në funksion të interesit të tyre dhe kur të gjykohet koha më e përshtatshme. Kjo është selia e PD, ata të cilët, këtu e kam më të gjerë, ata që pranojnë për kryetar të PD, kryetarin e emëruar nga Edi Rama me policë, bëjnë një akt destabilizues ndaj Shqipërisë. Ai nuk mund të pranohet”, tha Berisha.

Ish-Kryeministri është shprehur se Basha në bashkëpunim me policinë-narkotike të Ramës ka arrestuar demokratë të pafajshmit.

Berisha ka deklaruar se Basha nuk mund të dalë kundër vullnetit të shumicës dhe revulucionit paqësor që kanë ndërmarrë demokratët e vërtetë.

“Erdha për të falënderuar protestuesit që u mblodhën nga të gjithë anët në një mision historik për mbrojtjen e pluralizmit politik, të parimit themelor të sundimit të shumicës mbi pakicën. Sakrifikuan dhe u larguan pasi narko banditë me uniformë përdorën sasi toksike gazi kundër atyre dhe se pavarësisht nga këto siç u konstatua dyert e blinduara nga Lulzim turpi i hapën.

LEXO EDHE  U dhunuan fëmijë e të moshuar, deputeti i PD: Banorëve i është kërkuar të dhurojnë pronën

Prania jonë këtu është zotim, se asgjë nuk mund të pengojë dhe të ndalojë konsolidimin e pluralizmit politik në Shqipëri, asgjë nuk mund të ndalojë mbizotërine e vullnetit të shumicës politike në këtë vend. Asgjë nuk mund të ndalojë revolucionin paqësor në realizimin e objektivave historike të tij. dua të shpreh solidaritetin tim mirënjohjen e pakufijshme ndaj demokratëve dhe demokrateve që u arrestuan mbrëmë me listat e dala nga listat e atij që shqiptarët po i thonë “lulëzi”.

Me një bashkëpunim me narko-policinë e Edi Ramën, mbrëmë pas protestës janë formuluar lista dhe janë ndaluar dhe arrestuar demokratë që nuk kishin kryer asnjë lloj akti për të cilin duan që ti bëjnë përgjegjës. Kjo është një tjetër histori turpi e Lulzim Bravës, me bashkëpunimin e tij si një vegël e Edi Ramës.

Gjatë këtyre orëve unë kamë marrë dhjetëra mesazhe nga demokratët që janë të inkurajuar në vijimin e kësaj beteje, për të cilën përjetuan skena që kalonin imagjinatën e tyre.

Mbrëmë ka ngelur deri në mëngjes duke bërë listat e demokratëve që donte të arrestonte. Në seli ka fshehur vrasësit dhe kriminelët dhe me mjetin e tij ka nxjerrë jashtë armët e tyre”, ka thënë Berisha.