U përplas me demokratët, Bejko i tregoi gishtin e mesit. Basha e mbron me deklaratë

Roland Bejko, i cili u emërua nga Lulzim Basha pak ditë më parë në funksionin e Sekretarit për Çështjet e Pushtetit Vendor, u përball me demokratët që janë mbledhur në selinë e PD, në protestën e thirrur nga Komisioni i Rithemelimit.

Momenti kur Bejko përballet me demokratët ndodhi në një kohë kur ai shkoi te selia e PD, por askush nuk ia hapi derën nga brenda.

Bejko në reagimin e tij tha se është sulmuar nga demokratët, por ai ka bërë një gjest provokues, duke i treguar gishtin e mesit protestuesve. Një skenë e ngjashme me atë të ish-ambasadorit të OSBE, Berdn Borchardt, i cili kohë më parë, i tregoi gishtin e mesit disa protestuesve.

Lidhur me incidentin ka reaguar edhe stafi i Lulzim Bashës.

LEXO EDHE  Tjetër aksident fatal, një person humb jetën

“Dhuna e mercenarëve të Sali Berishës ndaj anëtarit të Kryesisë qendrore të PD Roland Bejko, është fytyra e Sali Berishës, që frymëzon dhunë, ushtron dhunë dhe pengon një sekretar të PD të vijë në seli në një mbledhje pune. E papranueshme që dhunohet një demokrat i orëve të para, nje demokrat i ndershëm me kontribute 30 vjeçare në këtë parti. Roland Bejko u dhunua sot vetëm se mendon ndryshe nga Sali Berisha, vetëm se nuk i shërben interesit të Sali Berishës,  vetëm se ka vendosur ti shërbejë interesit të demokratëve dhe PD”, thuhet në reagimin e shpërndarë nga zyra e Bashës.