Ministri i Brendshëm Bledi Çuçi ka reaguar pas protestës së sotme.
Ai përgëzon Policinë, që ndërhyri duke shpërndarë protestuesit me makina ujëhedhëse dhe gaz lotsjellës, që shkaktoi probleme shëndetësore te protestuesit dhe punonjësit e medias.
“Policia e Shtetit tregoi edhe njëherë sot një sjellje profesionale në garantimin e rendit dhe sigurisë publike. Dëshmoi gjithashtu se është një trupë e depolitizuar dhe tërësisht e angazhuar për të siguruar jetën dhe pronën e qytetarëve. Protestat paqësore janë themelore në demokraci, por aktet e dhunës dhe tentativat për të cënuar rendin publik nuk do të tolerohen. Policia e Shtetit është e vendosur për të vijuar punën dhe misionin që i ngarkon ligji. Përgëzime Policia e Shtetit”, shkruan ministri në një postim në rrjetet sociale.
