Barcelona ndalet në momentin më të mire. Katalanasit që po riktheheshin në shina pas periudhës së errët u ndalën në një barazim zhgënjyes në ndeshjen e parë të vitit në La Liga.
Pasi e nisën me fitore në Kupën e Mbretit, sot në një transfertë të vëshirë si Granada, katalanasit nuk morën maksimumi edhe pse dominuan dhe krijuan disa raste ku vetëm në pjesën e dytë, sërish Luuk De Joong shënoi për të kaluar në avantazh miqtë.
Në 80’, episodi që ndikoi shumë në ndeshje teksa Gavi doli me të kuq duke ia bërë edhe më të vështirë ndeshjen blaugranasve të cilët u ndëshkuan pak para fundit me një gol nga Puertas i cili vuri barazpeshën.
Me gjithë përpjekjet dhe me 10 lojtarë nuk kishte më kohë për Barcelonën që largohet vetëm me një pikë, rezultat që e largoi përkohësisht nga vendi i tretë në renditje.
