Ish-Kryeministri Sali Berisha i ka kërkuar demokratëve të vetëpërmbahen.
“Është një protestë paqësore, Lulzim Basha është i shkarkuar. I kërkoj demokratëve të vetëpërmbahen”, tha Berisha në një reagim të parë, ndërkohë që disa qindra demokratë kanë hapur derën kryesore të selisë së PD dhe kanë hyrë në katin e parë të godinës.
Berisha u pyet se çfarë do të ndodhë nëse ndërhyn Policia, ndërsa tha se “atëherë ka ndërhyrë Edi Rama”.
“Ne nuk ngujohemi, nuk jemi parti burgjesh”, u shpreh Berisha, i cili ka zgjedhur të ecë në këmbë nga banesa e tij, deri në selinë e PD.
Ish-Kryeministri tha se jemi për një lëvizje paqësore. “Basha duhet të hapë dyert, ti kthejë PD demokratëve”, tha Berisha.
Lidhur me deklaratat e Spartak Brahos, sipas të cilit sot mund të vritet deputeti Enkelejd Alibeaj, Berisha tha se kjo është pengmarrje ndaj zonjës Alibeaj, e cila është anëtare e Gjykatës Kushtetuese, dhe i kërkohet të votojë sipas interesit të Edi Ramës.
