Protesta e demokratëve/ Pas Bashës, edhe Rama blindon Kryeministrinë

Demokratët janë thirrur në një protestë nesër te selia e PD-së, për të zbatuar vendimin e Kuvendit Kombëtar të 11 dhjetorit dhe referendumit të 18 dhjetorit.

Protesta është thirrur nga Komisioni i Rithemelimit, i cili i kishte vendosur një afat Lulzim Bashës, deri me 5 janar, për të dorëzuar selinë, pasi ishte shkarkuar si kryetar i PD.

Por me skadimin e afatit për dorëzimin e zyrës, Basha vendosi të blindojë selinë, duke ndërhyrë në strukturë dhe duke vendosur dyer të blinduara.

LEXO EDHE  Inceneratori i Elbasanit përpunoi vetëm 11% të mbetjeve të gjeneruara në qark më 2020

Ndonëse protesta zhvillohet në oborrin e PD, sot ka nisur edhe blindimi i godinës së Kryeministrisë.

Derës kryesore të Kryeministrisë i është vendosur veshje metalike, mbrëmjen e sotme.E njëjta gjë ka ndodhur edhe me dritaret.

Nuk dihet sepse Rama ka ndërmarrë një veprim të tillë, pasi edhe protesta e fundit e zhvilluar para Kryeministrisë ishte paqësore.