Ministrat e NATO-s me qëndrim të përbashkët lidhur me agresionin rus

A soldier carries the NATO flag during German Minister of Defence Ursula von der Leyen's visit to German troops deployed as part of NATO enhanced Forward Presence (eFP) battle group in Rukla military base, Lithuania February 4, 2019. REUTERS/Ints Kalnins

Të 30 anëtarët e NATO-s janë bashkuar kundër veprimit ushtarak rus në Ukrainë, tha më 7 janar misioni i Shteteve të Bashkuara në këtë aleancë, pas një takimi virtual të ministrave të Jashtëm të NATO-s.

“Ministrat e Jashtëm të të gjitha shteteve të NATO-s ritheksuan unitetin tonë në përgjigje të agresionit rus kundër Ukrainës gjatë takimit të sotëm të jashtëzakonshëm”, tha misioni përmes një postimi në Twitter.

“Përpara takimit të Këshillit NATO-Rusi, ministrat theksuan nevojën për diplomaci, dialog dhe shtensionim të situatës”, u tha më tej në deklaratën e misionit.

LEXO EDHE  Austri, nga shkurti vaksinimi bëhet i detyrueshëm

Ministri i Jashtëm i Letonisë, Edgars Rinkevics komentoi në Twitter pas përfundimit të takimit.

“Takim i mirë i ministrave të Jashtëm të NATO-s. Uniteti i aleatëve, mbrojtja efikase, kolektive dhe mbështetja për partnerët tanë janë elementet kryesore për ta trajtuar sjelljen agresive të Rusisë”, tha ai në Twitter. “Ne jemi të gatshëm që të angazhohemi në dialog me Rusinë, por jo në kurriz të vlerave apo parimeve tona kryesore”, shtoi ai.