Hasa: Jemi gati për çdo skenar. Braho ma kaloi në imagjinatë

Ish-deputeti Endri Hasa, duke folur për “Radarin Informativ” në ABC, është ndalur tek situata në PD, një ditë para protestës së thirrur nga Sali Berisha.

Për Hasën, protesta e Sali Berishës mund të sjellë edhe akte dhune, por sipas tij selia e PD është përgatitur për çdo skenar.

Hasa i është përgjigjur edhe ish-deputetit socialist Spartak Braho i cili tha se në protestë mund të vritet një deputet me inicialet E.A në PD. Sipas Hasës kjo e kalon edhe imagjinatën, megjithëse shtoi se thirrjet për akte dhune ekzistojnë.

LEXO EDHE  Denoncimi me Foto/ Zbulohet projekti që parashikon shembjen e banesave te “5 Maji”, “rindërtimi” preteks

“Kjo kalon tej imagjinatës time. Por thirrje për dhunë dhe urrejtje. Për të hakërryer ndaj njerëzve. Janë bërë këto thirrje. Skenari i dhunës do të dështojë. Janë të gjitha informacionet që po tentohet. Por askush nuk vendos demokratët kundër demokratëve.” tha Endri Hasa.