Dega e PD në Fier feston 31 vjetorin e themelimit. Sali Berisha së bashku me mbështetësit e tij ndodheshin në Fier.
Luan Baçi u shpreh se kjo është një ditë gëzimi për PD-në. Ai kujtoi me mirënjohje demokratët e fierit të vitit 1991.
“Kjo është një ditë e veçantë pasi kemi të pranishëm liderin tonë, themeluesin e PD-së Sali Berisha. Sot në këtë ditë historike duhet të kujtojmë me mirënjohje çdo demokrat të Fierit të vitit 1991. Sot ne festojmë por duhet të hedhim shikimin 31 vite pas. Nuk kemi pasur ditë të lehta, jemi vënë përballë sistemit të diktaturës komuniste. Me gjendjen që është krijuar duhet të tregojmë që jemi këtu bashkë me PD, edhe pse na i kanë vështirësuar punën duke na sulmuar, na akuzuar dhe duke abuzuar me emra e me shifra. Duke na mbyllur zyrat tona që i kemi bërë vetë dhe pa ndihmën e tyre, të atyre që vazhdojnë ta quajnë veten drejtues të PD-së, por që në fakt janë shkarkuar me 4443 vota të Kuvendit Kombëtar të 11 Dhjetorit dhe me rreth 44 mijë vota në Referendumin e 18 dhjetorit. Ne nuk i jemi përgjigjur me të njëjtën monedhë megjithëse e meritonin. Ne ju përgjigjëm me vota”, tha Baçi.
