Falsifikimi i testeve të koronës, arrestohet pronarja e agjencisë turistike

Pronarja e një agjencie turistike në Durrës është arrestuar nga policia, në një aksion kundër falsifikimit të testeve të koronavirusit.

Policia njoftoi këtë të Enjte se, u vu në pranga A.R., 56 vjeçe, banuese në Durrës, pronare e një agjencie udhëtimi, e cila akuzohet se falsifikonte testet e Covid-19, në emër të një klinike në Tiranë.

Gjithashtu, sipas bluve, u kapën dhe u proceduan penalisht dy shtetas, të cilët tentuan të kalonin kufirin për në Itali, me teste të falsifikuara nga pronarja e agjencisë së udhëtimit.

LEXO EDHE  Meta dënon dhunë te ‘5 Maji’: Arrogancë e përsëritur e qeverisë

Materialet i kaluan Prokurorisë së Rrethit Gjyqësor Durrës, për veprime të mëtejshme, për veprat penale “Falsifikimi i dokumenteve shëndetësore” dhe “Fshehja e të ardhurave”, njofton policia, që saktëson se aksioni erdhi bazuar dhe në informacionet e marra në rrugë në rrugë operative për një kompani udhëtimi që falsifikonte testet e Covid-19.