Einxhel Shkira dhe Dj Dagz janë çifti i radhës që u krijua brenda shtëpisë së “Big Brother VIP”.
Mbrëmjen e djeshme çifti i ri kanë shijuar suitën luksoze. E teksa po darkonin, Arbëri në një moment ka vendosur që të imitojë Ilirin, me të cilin nuk është se ka një raport të mirë dhe ka patur debate.
Ky moment është publikuar në faqen zyrtare të “Big Brother VIP” në “Instagram” me mbishkrimin: “Arbëri dhe Einxhel në suitë, ai imiton Ilirin”.
Bashkëshortja e balerinit të njohur, Emanuela Morini, ka parë videon dhe ka lënë një koment nën të. Emanuela pyet nëse Arbëri mendon gjithmonë për Ilirin dhe shton se është me një grua për darkë dhe mos të mendojë për Shaqirin.
“Arbëri mendon gjithmonë Ilirin? Je në një darkë me një grua… mos mendo për Ilirin”, shkruan bashkëshortja e Ilir Shaqirit.
