Akademiku Artan Fuga e ka cilësuar e ka cilësuar situatën në Partinë Demokratike si një krizë të madhe besimi.
Në një intervistë për MCN TV, Fuga tha se simbolika e përqëndrimit tek bravat e selisë nuk është e rastësishme pasi simbolizon që ai që ka ndërtesën ka fuqinë edhe pse mund të mos jetë kështu. Fuga theksoi se PD ka dhe një problem të madh pavarësisht non gratës së Berishës, ka një çarje mes lidershipit në pak njerëz.
“Militantët kanë dhënë votën dhe lidershipi ka një status të privilegjuar, ndërkohë që masa e demokratëve është e përjashtuar dhe nuk dëgjohet për asgjë”, tha Fuga.
Pjesë nga intervista:
Çfarë mendoni për përqendrimin tek bravat për sa i takon situatës në PD?
Fuga: Nuk mendoj se është rastësishme. Problemi është që të lexohet simbolika. Jemi në kushtet e një metarfore, e një simbolike. Simbolika është e rëndësishme dhe e rrezikshme. Simbolika është që ai që ka ndërtesën ka fuqinë, mund të mos jetë kështu. Në realitet nuk është kështu por simbolika kjo është. Të dy kërkojnë të bëjnë matje të forcës së tyre, në këtë mënyrë jepet një mesazh partisë në të tërë qarqet. Simbolika e bën të fortë këtë çështje edhe pse nuk është kështu.
A duhet PD të përqendrohet tek simboika apo të kthehet tek të bërit opozitë?
Fuga: Unë i qëndroj idesë se historia dhe politika nuk bëhet në mënyrë racionale. Ne gjykojmë faktin, atë që ndodh realisht dhe jo atë që duhet të jetë. Në këtë pikëpamje, idetë janë kyçur në të gjitha partitë. Në partitë shqiptare nuk ka debat idesh. Kështu është organizuar. PD ka dhe një problem të madh pavarësisht non gratës së Berishës ka një çarje mes lidershipit në pak njerëz. Militantët kanë dhënë votën dhe lidershipi ka një status të privilegjuar, ndërkohë që masa e demokratëve është e përjashtuar dhe nuk dëgjohet për asgjë.
A lind nevoja të provokohet lindja e një force të re? A ka gjasa të ndodhë?
Fuga: Jo nuk ka sepse nuk ka. Zërat që janë larguar nga partia dhe që ai nuk i vuri të kandidojnë hapën partitë e tyre, u larguan nga ato dhe i vërdallosen PD. Politika nuk është çështje intelektualësh, kërkon të shkosh tek elektorati. Ata që mendojnë se mund të bëjnë politikë me gjuhë intelektualësh janë të dështuar. Ai që bëhet lider opinion duhet të ketë dije dhe informacion, besimin e masës që ta ndjekë dhe e treta është se duhet të japë sigurinë e suksesit. Ideologjia e sotme ka humbur shumë nga vlerat e një ligjërimi demokratik, është bërë cinike dhe aspekti social, pomovimi i politikave sociale mungojnë.
Në këto kushte çfarë i duhet shqiptarëve?
Fuga: Kombi dhe shoqëria nuk duhen fajësuar. Ajo që është përhapur si kolerë që ne nuk bëjmë… Qytetarët shqiptarë janë si gjithë të tjerët. Këtu nuk ka sindikata, nënpunësi është militant politik, nuk ka demokraci lokale dhe një komb pa të gjitha këto mund të veprojë? Situata është e tillë që kombit i janë hequr mekanizmat e veprimit. Duhet të rikthehen instrumentet, nëse një kombit i hiqen këto ai shkatërrohet. Gjëja e parë që i duhet këtij kombi është të tronditet, dolën listat e patronazhistëve, dolën pagat, kriza në PD le ti shkohet deri në fund. Duhet të ketë okazion që njerëzit të mblidhen.
