Tmerr në Kazakistan, vriten 8 persona

Protestat në Kazakistan kanë lënë të vdekur tetë persona ndërsa qindra të tjerë janë plagosur.

Stafi në aeroportin kryesor të Kazakistanit është dashur të largohet pasi demonstruesit antiqeveritar hynë në terminal, raporton noa.al duke cituar BBC.

Protestat u nxitën nga rritja e çmimeve të karburantit, por ato janë zgjeruar duke përfshirë ankesa të tjera politike.

LEXO EDHE  Integrimi/ SHBA kërcënon Sofjen me sanksione nëse nuk heq veton ndaj Shkupit

Është shpallur gjendja e jashtëzakonshme teksa qeveria po përpiqet të rimarrë kontrollin.

Presidenti Kassym-Jomart Tokayev ka premtuar një përgjigje të ashpër ndaj demonstratave, duke i quajtur ato një “periudhë të zezë” në historinë e vendit. Ai akuzoi protestuesit si komplotistë të cilët ishin “të motivuar financiarisht”.