Tre muaj para zgjedhjeve presidenciale franceze, presidenti , Emmanuel Macron, ka paralajmëruar se planifikon të vështirësojë jetën për njerëzit në Francë që nuk janë vaksinuar kundër Covid-19.
“Unë me të vërtetë dua të acaroj të pavaksinuarit, ne do të vazhdojmë ta bëjmë këtë deri në fund. Dhe kështu duhet t’u themi atyre: nga 15 janari nuk do të mund të shkoni në restorant, nuk do të mund të pini një kafe, nuk do të mund të shkoni në teatër, nuk do të mund të shkosh në kinema”, tha ai për gazetën franceze Le Parisien.
Parlamenti francez debatoi legjislacionin e ri, që nëse miratohet, do të thotë se vetëm të vaksinuarit plotësisht do të kualifikohen për lejen shëndetësore të vendit nga muaji i ardhshëm.
Leja, e prezantuar këtë verë, kërkohet në Francë për akses në vende publike të brendshme si kafene, restorante, kinema, muze, vende koncertesh dhe qendra sportive, si dhe për të hipur në trena dhe aeroplanë në distanca të gjata.
“Ne po ushtrojmë presion mbi të pavaksinuarit duke kufizuar, sa më shumë që të jetë e mundur aksesin e tyre në aktivitete në jetën shoqërore. Franca ka vaksinuar pothuajse 90 përqind të popullsisë së saj që kanë të drejtë, dhe ishte vetëm një pakicë shumë e vogël që po rezistonte. Si ta pakësojmë këtë pakicë? Ne do e zvogëlojmë atë, më falni për shprehjen duke i zemëruar edhe më shumë”, u shpreh presidenti.
