Atentati me 1 viktimë dhe 4 të plagosur, ja kur mbërritën ambulancat në vendin e ngjarjes

Një ngjarje e rëndë u shënua pasditen e së martës në rrugën Don Bosko në Tiranë, ku një person mbeti i vrarë dhe 4 të tjerë u plagosën si pasojë e një atentati me armë zjarri.

Nga raportimet e djeshme, që i referoheshin dëshmitarëve apo të afërmve të personave të plagosur, u tha se ambulancat ishin vonuar 30 minuta për të mbërritur në vendin e ngjarjes.

Por, Qendra Kombëtare Urgjencës Mjekësore ka reaguar zyrtarisht duke sqaruar se ekipet e urgjencës kanë shkuar në vendin e ngjarjes 3 minuta nga momenti i njoftimit.

KOMUNIKATË PËR MEDIAT:

Ditën e djeshme datë 04.01.2022 në zonën Don Bosko fatkeqësisht ndodhi një atentat me pasoja humbjen e jetës së një personi dhe plagosjen e tre të tjerëve. Ngushëllime familjes dhe uroj shërim të shpejtë të dëmtuarve.

Pranë Njësisë së Koordinimit sapo mbërriti telefonata nga policia është nisur drejt ngjarjes autoambulanca e parë ku mjeku ka konstatuar se njëri nga personat ishte pa shenja jete. Duke qenë se nuk kishte më urgjencë mjerksore është detyrë e policisë së shtetit të verifikojë provat dhe më vonë të urdhëroj largimin nga vendi i ngjarjes së trupit të viktimës.

LEXO EDHE  Pak fjalë për filozofinë politike të Aristotelit për antarë të FRESH-it

Kronologjia e ngjarjes vijon si më poshtë.

Ambulanca e parë:
Ora 16.13 ka mbërritur telefonata nga policia e shtetit.
Ora 16.14 është kaluar telefonata ekipit të terrenit. Ora 16.16 ekipi është në vendngjarje dhe mer një pacient të dëmtuar me kod të kuq dhe e shoqëron në spitalin e traumës.
Mbërritja në spital në orën 16.19.

Ekipi i ambulancës së parë njofton se duhen dy ambulanca të tjera dhe për këtë arsye nisen dy ekipe të tjera.
Ora 16.22 nisja e tyre.
Ora 16.26 mbërritja në vendngjarje.
Ora 16.30 mbërritja në spital e pacientit të dytë.

Ndërkohë njoftojnë se një pacient është transportuar nga një ambulanc e një spitali privat. QKUM nuk ka dijeni kush e ka njoftuar dhe çfarë oraresh ka kjo ambulanc.

Nga thirrja e parë në orën 16.13 deri në mbërritjen në vendngjarje kanë kaluar vetëm tre minuta. Përgjigja e ekipeve ka qenë sa e shpejtë edhe efikase me një standart bashkëkohor.