Pse Melania Trump po nxjerr në ankand sende e veshje personale? (Ja ku do të shkojnë të ardhurat)

Melania Trump njoftoi sot në mëngjes se po zhvillon një ankand të kapelës së bardhë që kishte veshur gjatë vizitës së familjes së parë franceze, Macrons, në Shtëpinë e Bardhë në vitin 2018.

Në një deklaratë nga zyra e saj, Melania Trump tha se, përveç kapelës, shorti i ankandit do të përfshijë bojëra uji nga Marc-Antoine Coulon, një artiste franceze.

Melania thotë se disa nga të ardhurat do të shkojnë drejt një nisme që është pjesë e programit “Be Best” të ish-zonjës së parë, por nuk është e qartë se sa do të dhurohet.

Pjesa qendrore e ankandit, kapela e bardhë me porosi, të cilën Trump e ka nënshkruar, u krijua për të nga stilisti i saj personal, Hervé Pierre, për t’u përshtatur me kostumin e bardhë prej 2105 dollarësh të koleksionit Michael Kors që Trump kishte veshur për ceremonitë e ditës në Shtëpinë e Bardhë ku mori pjesë Emmanuel Macron dhe gruaja e tij Brigitte Macron.

LEXO EDHE  Rreziku jo real në BE nga azilkërkuesit e Ballkanit Perëndimor

Vizita e Presidentit francez dhe gruas së tij ishte vizita e parë zyrtare shtetërore e administratës Trump nga një lider i huaj, dhe ajo erdhi në prill 2018, disa javë pas titujve skandaloz për lidhjet e supozuara jashtëmartesore të ish-Presidentit.

Dalja e Melania Trump me kapelën për vizitën në Francë u ndoq nga afër nga mediat, pasi ishte një nga herët e para që ajo shfaqej me bashkëshortin pas lajmeve për martesën e saj.

Të tre artikujt do të kenë një ofertë hapëse prej 250,000 dollarë.