Policia e Përmetit ka nisur një procedim penal ndaj Drejtorit të Ujësjellësit në Përmet, i cili akuzohet se nuk i është bindur urdhrit të efektivëve për parkimin e automjetit.
Policia bën me dije se shtetasi F. D., 30 vjeç kishte parkuar automjetin në mënyrë të parregullt dhe më pas ka kundërshtuar punonjësit e policisë.
Njoftimi i Policisë së Përmetit:
“Nuk iu bind urdhrit dhe kundërshtoi punonjësit e policisë, duke e parkuar në mënyrë të parregullt automjetin, procedohet penalisht 30 vjeçari. Oficerët e Policisë Gjyqësore pranë Prokurorisë së Gjykatës së Rrethit Gjyqësor Përmet proceduan penalisht shtetasin F. D., 30 vjeç, banues në fshatin Frashër, Përmet(me detyrë drejtor i ujsjellësit në Bashkinë Përmet). Shtetasi F. D., në datën 03.01.2022, në qendrën e qytetit të Përmetit nuk i është bindur urdhërit dhe ka kundërshtuar punonjësit e policisë pasi kishte parkuar në mënyrë të parregullt automjetin. Shtetasi i mësipërm u procedua penalisht për veprat penale “Kundërshtim i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”, thuhet në njoftimin e Policisë së Përmetit.
