Kryetari i LZHK, deputeti Dashamir Shehi, e konsideron vitin që lamë pas (2021) si një vit të mbrapshtë veçanërisht për opozitën shqiptare.
Në një intervistë për Faxnews, Shehi u shpreh se situata aktuale brenda PD, përplasjet mes Brerishës dhe Bashës, erdhën vetëm si rezultat i humbjes së zgjedhjeve, sepse nëse do ishte ndryshe, të dy të fundit do kishin ende marrëdhënie të mira.
Shehi tha se tashmë ishte parë se nuk mjaftonte vetëm PD për të fituar zgjedhjet pasi në 25 prill, e votuan vetëm 39% të qytetarëve, shumë prej të cilëve u përkisnin edhe partive të tjera opozitare pjesë të koalicionit.
“Vitin 2021 do e mbaj mend për shumë gjëra, ka qenë një vit i keq dhe i mbrapshtë për shqiptarët, por për opozitën në veçanti. Basha dhe Berisha janë derivat i humbjes së zgjedhjeve. Se po të kishin fituar zgjedhjet, do ishin majë tribunës duke u përqafuar dhe duke na përshëndetur. Edhe një pjesë do u thonin shumë faleminderit. Ndodhi kjo unë tani. Fatkeqësisht brenda PD kanë ndodhur edhe gjëra të tjera të cilat për hir të së vërtetës nuk kanë lidhje me politikën edhe kanë fillur sherret.
Por unë mendoj se kjo situatë do ketë një zgjidhje. Unë e konsideroj këtë zgjidhje të këtij problemi në një dimension më të madh. Koha tregoi se nuk mjafton vetëm PD, u mblodhëm ne të gjithë me PD dhe morëm 39%. Se janë dhe votat tona aty, pra PD vetë mund të jetë tek 30 apo 35%. Me sherret që po bëhen nuk besoj se është zgejdhurar. Kështu që ne duhet të mendojmë një riformulim të ri të opozitës shqiptare që nuk e ul rolin e PD”, tha ai.
