Një ngjarje e rëndë është regjistruar në kufirin mes Turqisë dhe Iranit, ku nëna e dy fëmijëve të mitur u gjet e ngrirë në dëborë.
Mediat turke shkruajnë se nëna, një afgane, ishte nisur drejt Turqisë, bashkv me dy fëmijët e saj, 8 dhe 9 vjeç, ndërsa ishin përballur me një stuhi dëbore.
Në këto kushte, nëna i kishte veshur rrobat e saj fëmijëve, për ti mbrojtur nga i ftohti, por humbi jetën e saj.
Ngjarja ka ndodhur në fshatin Belasur të Iranit, afër kufirit me Turqinë.
Trupi i pajetë i nënës dhe dy fëmijët e mitur u gjetën nga banorë të zonës. Fëmijët raportohen se ishin në gjendje të mirë shëndetësore, ndërsa nëna e pajetë, u pa se ishte mbështjellë nga këmbët me qese, ndërsa corapet e saj ia kishte vendosur fëmijëve si doreza.
