Tryeza e festave të fundvitit fsheh shumë kalori.
Dietologia greke Matina Nezi shpjegon se si mund të mbajmë peshën në kontroll gjatë festave të fundvitit, pa u privuar nga ushqimet e shijshme.
Gjeli i Viti të Ri: Ka nderin e tij këto ditë dhe luan një rol kryesor në tryezën e festave. Mishi i gjelit të detit mund të jetë një nga më të shëndetshmit, me disa gram yndyrë për kalori, por mbushja e tij me rrush të thatë, arra, gështenja, mish të grirë dhe oriz është e pasur me kalori.
Kështu që një porcion mbushës mund të arrijë deri në 550 kalori. Prandaj preferoni gjelin pa shumë mbushje dhe pse jo pa lëkurë, në mënyrë që të largoni yndyrën e tepërt.
Mishi i derrit: Një zgjedhje e bukur për ata që nuk e pëlqejnë gjelin e detit. Megjithatë, ata që zgjedhin këtë ushqim duhet të kenë kujdes në sasi, sepse një porcion mish derri mund të arrijë deri në 500 kalori.
Patate të pjekura: Nuk mund të mungojnë në tryezën festive dhe zakonisht i kombinojmë me gjelin e detit ose me mish derri. Pra, një porcion me patate me pak vaj ka rreth 300-350 kalori.
Sallatë: Perimet do t’ju japin ndjenjën e ngopjes pa ju ngarkuar me kalori. Sigurohuni që të vendosni një sasi të madhe sallatë në pjatën tuaj dhe do të shihni që do të ngopeni më shpejt. Por kjo nuk vlen nëse sallatat bëhen me salca të ndryshme dhe ndoshta me arra, sepse në këtë mënyrë ato mund të kalojnë 200 kalori.
Alkooli: Është mirë të dini se duhet kujdes, pasi pas yndyrës (ku 1 g yndyrë jep 9 kalori), alkooli është burimi më i pasur i kalorive duke dhënë 7 kalori për gram (në krahasim me proteinat dhe karbohidratet që japin 4 kalori/g). Dihet se sasitë e moderuara të alkoolit kanë një efekt të dobishëm në sistemin tonë kardiovaskular. Por mos harroni se sa më e lartë të jetë përmbajtja e alkoolit në pije, aq më shumë kalori ka.
(Shënim, për bakllavanë nuk kemi çfarë t’ju themi, është bombë kalorish, prandaj sa më pak të konsumoni aq më mirë për ju.)