Armand Shkullaku, i ftuar në emisionin “Të Paekspozuarit” në MCN TV, ka folur pë shpalljen non-grata të Sali Berishës dhe ngjarjet në Partinë Demokratike, në të cilat kanë qenë pjesëmarrës kryesorë, amerikanët.
Shkullaku tha se veprimet e SHBA-ve, që kulmojnë me kërcënimin e PD nëse nuk përjashtohej Berisha, janë një poshtërim për këtë parti dhe kanë krijuar mosbesim dhe zhgënjim te shqiptarët.
“Janë veprimet e amerikanëve që kanë shkaktuar zhgënjim dhe mosbesim të shqiptarët, jo se patën shqitptarët ndonjë ndriçim që mos marrin cdo gjë për të vërtetë. Por, kur ti e poshtëron një parti politike, çfarë arrin me këtë gjë? Shqiptarëve i’u mbush mendja se Basha e përjashtoi Berishën, jo se donte, por se vajti ajo gruaja (ambasadorja) te oborri dhe i bërtiti. Kjo Berishën e bën viktimë dhe djalin e tij politik, e bën një njeri të padinjitetshëm që vepron nën urdhër.
Kjo deklaratë se PD do të hajë bar dhe shumë të tjera, na kanë çuar në pikën që për herë të parë në Shqipëri, non-grata që u mor me aq bujë, nuk po bën përshtypjen që prisnin amerikanët të bëntë. Ju e patë që vajtën 10 mijë vetë në stadium te një njeri që nuk ka pushtet dhe asgjë në dorë. Pse? Sepse e drejta ishte tejkaluar me kohë, jo vetëm te Berisha, por aty u derdh gota.
Jemi dëshmitarë, ku kemi parë ndonjëherë kaq shumë komente apo meme, kundër amabsadores amerikane? Shqiptarët kanë bërë fajtorë, gjithmonë politikanët, por tashmë në çdo postim që hidhet nga amabsada, njerëzit nuk kanë dyshim që ambasada ka marrë qëndrim të njëanshëm. Kjo krijon pakënaqësi në shoqëri. Edhe kjo nuk ka ardhur për faktin se ne u iluminuam, por pas abuzimit me të drejtën”, tha Shkullaku.
