Policia e Shkodrës ka arrestuar një person, i cili është kapur duke drejtuar ambulancën në gjendje të dehur.
“Në pranga përfundoi P.M., 45 vjeç, banues në lagjen ‘Vasil Shanto’, Shkodër, pasi në vendin e quajtur ‘Sheshi Rusit’, në lagjen Partizani, Shkodër, duke drejtuar një mjet autoambulancë ka humbur kontrollin dhe si pasojë është përplasur me dy mjete të tjera, duke shkaktuar vetëm dëme materiale”, njoftoi policia.
Gjatë kryerjes së testit të alkoolit, drejtuesi i autoambulancës rezultoi në gjendje të dehur në masën 0.95 mg/l, shtoi policia.
