Klodian Zoto, edhe pse është shpallur në kërkim për pastrim parash dhe korrupsion, vijon të marrë para nga ministria e Infrastrukturës dhe Energjisë.
Vetëm pak ditë më parë, konkretisht me 15 dhjetor të këtij viti kompania e Zotos ka marrë 62.7 milionë lekë si këst të radhës për të menaxhuar mbetjet urbane të qytetit të Fierit.
Ministrja e Infrastrukturës dhe Energjisë, Belinda Balluku, në një prononcim për mediat tha se Ministria që ajo drejton e ka për detyrë tu qëndrojë strikt kontratave në të kundërt Shqipëria rrezikon të përfundojë në Arbitrazh për to.
Balluku: Ne nuk gjykojmë dosje, ka entitete gjyqësore. Nuk marrim përsipër të gjykojmë apo paragjykojmë kompanitë, ne zbatojmë kontratat. Këto janë çështje nën hetim dhe deri ditën kur do të merren vendime të mirëfillta ligjore sa i përket personave dhe kontratave ne do të vazhdojmë të zbatojmë kontratat. Në rast se nuk zbatojmë kontratata do ti krijomin Shqipërisë një dëm që me siguri do ti përgjigjeshim në Arbitrazh.Ne do të zbatojmë dhe respektojmë çdo vendim të gjyqësorit.
Balluku foli edhe lidhur me privatizimin e e-Albania, duke mohuar ekzistencën e një plani të tillë.
Balluku: Nëse është një lajm që qarkullon është një nga lajmet e shumta të rreme. Nuk ka një plan për privatizim të e-Albania. Të dhënat personale fatkerqësisht një pjesë disponohen dhe janë kthyer në një lojë në telefonat e kujdo por nuk ka asnjë plan të tillë. Në muajin janar ne kemi kërkuar mbështetjen e një prej kompanive më të mëdha të sigurisë kibernetike, e cila e ka një prezencë në Shqipëri prej dy vitesh. Do të vijnë në Tiranën në ditët e para të janarit për nëj analzië të thellë të gjithë sistemeve që kemi duke mbrojtur databazat njëherë e përgjithmonë.
