“Kartolina e demokratëve për vitin e ri” ishte tema e emisionit “Log.” mbrëmjen e sotme në “ABC” që nisi me debat mes Roland Bejko dhe Belind Këlliçit.
Bejko që pak ditë më parë u zgjodh ‘sekretar për pushtetin vendor dhe decentralizimin’ nuk e njeh lëvizjen e Berishës, Kuvendin dhe Referendumin që pasoi.
Por Këlliçi ndërhyri duke shkaktuar debat në studio mes demokratëve.
Debati
Roland Bejko: Basha është kryetari legjitim i PD-së, pastaj mund të bëjmë lloj-lloj shkarkimesh dhe emërimesh. 11 Dhjetori është kryefoltore. Ne nuk e njohim 11 Dhjetorin.
Belind Këlliçi: Përse, apo se nuk i pëlqen Bashës?
Roland Bejko: Këta (grupi i Berishës) kanë një taktikë, kur fillon t’i të flasësh dhe të ndërpresin ose kur thua kam ftuar filanin nuk vijnë fare. Këta nuk janë parti, por grup i rebeluar që kanë bërë një “puç” atje.
Belind Këlliçi: Unë nuk marr porosi, ti e di që nuk marr porosi.
Roland Bejko: Po nuk ke marrë porosi më lër të flas.
