Jahmir Hyka është momentalisht pa skuadër. Sulmuesi u largua nga Guiz FC, skuadra kineze gjatë merkatos së verës dhe tani është në kërkim të një ekipi të ri pasi ka bërë “pushime” në pjesën e parë të sezonit.
Mediat në Maqedoni bëjnë me dije se menaxherët e Hykës i kanë ofruar shërbimet e lojtarit Shkëndijës së Tetovës. Skuadra shqiptare që luan në kampionatin maqedonas largoi pak ditë më parë Armend Halimin dhe Hyka shihet si pasuesi ideal i tij të paktën deri në fund të sezonit.
Tashmë ngelet për t’u parë në ditët në vijim nëse Shkëndija do të pranojë këtë propozim pasi palët kanë nisur negociatat. Gjithashtu, Shkëndija kërkon të firmosë edhe me Naser Alijin, ish mbrojtësin e majtë të Kombëtares shqiptare që për momentin është pa skuadër.
