Albion Marku u afrua te Partizani në merkaton e verës në formën e huazimit nga Lokomotiva e Zagrebit. Mbrojtësi i djathtë arriti t’i bashkohej të kuqve falë ndërmjetësimit të bërë nga Besnik Prenga.
Trajneri i njohur shqiptar ka marrëdhënie të shkëlqyera me drejtuesit e klubit kroat teksa shpesh herë është bërë “shkles” për disa lojtarë që kanë luajtur në të shkuarën me Laçin.
Së fundmi në skenë ka dalë emri i Sherif Kallakut. Mesfushori u largua nga Teuta për shkak të përfundimit të periudhës së huazimit. Partizani është një nga klubet që mund të përfitojë shërbimet e tij. Megjithatë për këtë duhet miratimi i drejtuesve të Lokomotivës së Zagrebit.
Të gjendur në këto kushte, i vetmi që mund t’i bëjë dhuratën e madhe është sërish Besnik Prenga falë marrdhënieve pozitive që mbart me kroatët. Zhvillime të reja priten në vazhdim për të ardhmen e Sherif Kallakut.
