Prokuroria e Tiranës po vijon hetimet lidhur me skandalin më të fundit, atë të publikimit të të dhënave sensitive, përfshi edhe pagat e mbi 630 qytetarëve.
Kryeprokurorja e Tiranës, Elisabeta Imeraj, u shpreh se bindur se në përfundim të hetimeve do të ketë autorë që do të shkojnë para drejtësisë.
“Ne jemi këtu sot për të bërë me dije veprime tona hetimore përgjatë disa muajve. Falenderoj Policinë e Shtetit. Duke qenë se është sensitive për shkak të vëmendjes së shtuar. Prokuroria po kryen çdo veprim të nevojshëm hetimore. Veprimet do jenë intensive.
Grupi hetimor është i përkushtuar. Dhe normalisht do kemi autorë. Grupi hetimor që heton atë çështje po kryen veprimet e duhura. Do kemi një konferencë tjetër për zbulimin e autorëve. Do keni një përgjigje sepse përgjigja e prokurorëve nuk është me konferenca për shtyp por me vendimmarrje”, tha Imeraj.
Ndërsa drejtori i Departamentit të Policisë Kriminale Toni Vocaj u shpreh se nuk mund të japin më shumë detaje për shkak të sekretit hetimor.
“Ne jemi përfshirë me grupin hetimor bashkë me prokurorinë e Tiranës dhje jemi duke kryer veprimet e nevojshme. Më shumë detaje nuk mund të japim për këtë hetim pasi është një grup i posaçëm që po merren me këtë çështje”, deklaroi Vocaj.
