Qeveria shqiptare ka vendosur një shtyrje të afateve për rivlerësimin e pasurive të paluajtshme. Sipas aktit të ri normativ, ky afat zgjatet nga 31 dhjetori 2021 deri në 30 prill 2022.
Sipas ekspertëve të sektorit, shtyrja e afatit për të bërë rivlerësimin e pasurisë do t’i japë frymëmarrje edhe tregut imobiliar, i cili nuk ka dalë i paprekur nga goditjet që ka pësuar ekonomia shqiptare.
Rivlerësimi me kushte lehtësuese është një ndihmë veçanërisht për ata që duan të shesin pronat e tyre në periudhë afatshkurtër dhe afatmesme.
