Ish-Kryeministri Sali Berisha tha në emisionin “Zonë e Lirë” se mafia e plehrave është komplekse. Berisha tha se Sharra ështrë kthyer në një minierë ari për mafien e plehrave dhe në krye të kësaj mafie është Edi Rama.
” E dini ju që i detyronin ndërtuesit që të shkarkonin inertet pikërisht në Sharrë. Ishte urdhër i prerë për çdo ndërtues, policia qëndronte te kthesa e Kamzës dhe nuk lejonte asnjë kamion që të kalonte, e kthenin në sharrë. Kjo rriste kostot e kompanive të ndërtimit.
E dini që donin të sillnin po në Sharrë nga Durrësi edhe inertet e tërmetit, edhe pse kosto ishte 15 euro për rrugë”, tha Berisha.
Sipas tij, ndërtuesit detyroheshin që të zbarkonin gjithë mbetjet e tyre te Eco Tirana, një kompani e përbashkët shqiptari-italiane, ku bashkia e Tiranës përfaqësohej nga një prej nënkryetarëve, ndërsa firma italiane, kishte probleme në Itali, nv mos gaboj në Verona.
