Enkelejd Alibeaj, komentoi në emisionin ‘Frontline’ në ‘News24’ ultimatumin e ish-kryeministrit Sali Berisha ndaj kreut të PD-së Lulzim Basha për të liruar zyrën deri më 5 janar.
Alibeaj u shpreh se as në 5 janar dhe as pas 5 janarit nuk do të ndodhë asgjë.
Gjatë bisedës Alibeaj e quajti një vendim imagjinar, ndërsa shtoi se kryedemokrati Basha është zgjedhur me 83% të votave dhe se do të jetë kryetar i PD-së sipas rregullave statutore të PD-së.
“Asgjë nuk ka për të ndodhur, as para 5 janarit dhe as pas 5 janarit. Pra do të thirren demokratët të sulmojë selinë e tyre. E kuptoni se sa e trishtë është . Kjo gjuhë nuk asnjë lidhje me atë që së pari është bashkëjetesë në parti politike. Kjo gjuhë, kjo thirrje që i bëhet të shkojnë te selia, në një kohë ku shqiptarët bashkë me demokratët janë duke vuajtur është e dhimbshme.
Shkëputuni nga kërkesa që nuk kanë seriozitet. Në këto tre muaj jemi të qartë se çfarë kanë ndodhur. Vendime imagjinare. Në fakt kamerat e TV nuk do të duhej të mos lejoheshin të bëhej transparencë. Unë di që 5259 nënshkrime të atyre që kishin konfirmuar pjesëmarrjen në Kuvend u lexuar edhe para kamerave, Po ashtu edhe pas punimeve të Kuvendit të 18 dhjetorit të gjithë u lexuan para kamerave, pra është maksimumi i hapësirës për ti dhënë kujtdo për të bërë kontrollin. Në 5 janar dhe pas 5 janarit Basha do të jetë. Basha është zgjedhur në qershor me 83% të votave është mandatuar nga ata që kishin të drejtë për të marrë pjesë në Kuvend. Është mandatuar prej tyre dhe do të jetë kryetar i PD sipas rregullave statusore të PD . Procedura paralele, institucione ekstra statusore janë lojëra qesharake fëmijësh. Selia e PD është e demokratëve, askush nuk ua ndalon të vijnë , por jo për të kryer akte vandalizmi. Ne do të jemi për një synim të vetëm për të rrëzuar regjimin që ka kapluar jetën e qytetarëve”, tha më tej Alibeaj.
