Prokuroria e Tiranës ka nisur verifikim për publikikim dhe te dhënash. Sipas informacionevë bëhert fjalë për një databazë me të dhëna të qytetarëve të punësuar në sektorin privat dhe publik.
Burime nga prokuroria e Tiranës, bëjnë me dije se verifikimet kanë nisur pas një ankese të një grupi qytetarësh për nxjerrje te dhënash.
Ky është rasti i dytë brenda pak muajsh që përsëritet skandali me të dhënat e qytetarëve. Para zgjedhjeve të 25 prillit u zbulua skandali me patronazhistët, për të cilin SPAK mbylli hetimet, edhe pse u publikuan të dhënat sensitive të afro 1 mln qytetarëve.
Në rastin konkret po qarkullon një databazë me të dhënat e qytetarëve të punësuar në sektorin privat dhe publik, shoqëruar me kartat e tyre të identitit, pozicionin e punës dhe rrogën, e cila qarkullon në Whatsapp.
Nuk dihet se cili është burimi i daljes së kësaj liste, por kjo tregon se të dhënat e qytetarëve nuk kanë asnjë lloj sigurie.
