Fatbardh Kadilli, i pranishëm në të dy kuvendet e Partisë Demokratike, ka komentuar në studion e emisioni “Dita Jonë” në A2, dallimet edhe të përbashkëtat mes tyre. Sipas tij, te Berisha ka instikt vetëmbrojtës, kurse të Basha ka dëshirë për një projekt, por të gjithë janë koshientë që kanë kryetarin të dobët. Ai thekson se te Basha janë krijuar 4 gënjeshtra që i besojnë, kurse te Berisha ka vetëm një vetëgënjim.
“Në të dyja Kuvendet ka moment vetëgënjimi. Te Basha janë krijuar 4 gënjeshtra që i besojnë që gjithçka filloi në 9 shtator, e dyta që nuk kemi nevojë të ndryshojmë, përralla e konservatorizmit që është e njëjtë me Berishën, PD duhet të modernizohet dhe e katërta që jemi të preferuar të amerikanëve. 30 vjet më parë ka pasur kongres të PPSH ata larguan Enverin si simbol, por jo enverizmin. Te Berisha ka një vetëgënjim që dikush po sulmon si Soros, ca plane rajonale, të gjithë janë kundër nesh dhe ne duhet të rezistojmë. Ne jetojmë si rrethim, është kultura e zotit Berisha. Por ne nuk na intereson kjo por t’i themi gjërat troç”.
Për Kadillin si Basha ashtu dhe Berisha nuk kanë legjitimitet moral për të drejtuar PD. Ai thotë se asnjë propozim i ri nuk erdhi nga Basha dhe po ashtu nga Berisha. Të dy sipas tij, po çojnë në ndarjen e PD.
“Si Berisha e Basha nuk kanë legjitimitet moral për të drejtuar, jo se nuk mbledhin njerëz se ata kanë pasur e kanë pushtet. Por asnjë propozim të ri nuk kemi nga Basha, asnjë propozim të ri nuk mund të presim nga Berisha. Nëse kemi shkuar për hequr Bashën e rikthyer Berishën shkojmë nga shiu në breshër. Tezat e manifesti i gjej te Berisha. Ata po e drejtojnë këtë përçarje. Të dy e dinë që kjo nuk çon në një PD, por dy PD, a do jetë e formalizuar një PD e dytë apo njëra me firmë. Demokratët janë të qartë që asnjëri nuk është zgjidhja”.
Kadilli theksoi gjithashtu se ambicia e tij politike është drejtimi i PD dhe tha se do të vazhdojë përpjekjet e tij në këtë drejtim.
“Do ta vazhdoj përpjekjen për udhëheqjen e PD, kjo është ambicia ime”.
