Ministrja e Shtetit, Elisa Spiropali, në një replikë me Lulzim Bashës, i kërkoi që të kontrollojë nervat dhe gjuhën.
“Z.Basha që kur ju kanë lënë nervat, nuk po kontrolloni dot as temperamentin as gjuhën. Ju që flisni për vettingun, dilni këtu dhe jepni fjalën që do të votoni zgjatjen e afateve të organeve të Vetting, sepse nuk po ua kërkojmë vetëm ne, por edhe ata partnerët strategjikë, që ju i keni shumë për zemër në përplasjet e brendshme në parti, por kur vjen puna për të zbatuar atë që ju kërkojnë nuk veproni”, i tha Spiropali.
Ndërkohë në replikën e rradhës me të, Basha u shpreh se “nuk pret që ikonat e korrupsionit të qeverisë më të korruptuar në Rajon dhe Europë të më përcaktojnë temperamentin, tonin e zërit apo të më japin këshilla. Ju jeni më keq se Covid, dilni dhe thoni pse ka më shumë jetë të humbura në vitin pandemik?”.
“Do vijë koha që të bërtasësh para gjykatësve, vjen këtu dhe më krekosesh me veshjet firmato”, tha Basha, duke e akuzuar për vjedhjen e 5 milionëve në Dogana.
