Deputetja demokrate Grida Duma, gjatë fjalës së mbajtur në Kuvend, ka kërkuar nga mazhoranca socialiste, që të mos përdorë situatën në të cilën ndodhet PD, për të shmangur të vërtetat. Duma u shpreh se përdoret “Foltorja” e Berishës për të shmangur situata dhe çështje që sipas saj lidhen me qeverinë.
“Në këtë foltore duhet të tregojmë realitetin. Shifrat tuaja s’u thonë asgjë shqiptarëve. Ju vini këtu dhe sa herë gjendeni keq te kjo foltorja këtu thërrisni foltoren tonë atje. Sa herë mbushet oborri para Kuvendit nga fermerët, ju mbushni foltoren atje. Ça thu mor burr, profesor ti ëë.. shkoni shihni te oborri juaj, pantomima.
Juve thoni se SPAK apo drejtësia s’ka asnjë të proceduar apo dënuar nga qeverisja e djathtë. Ky SPAK që kapi inceneratorët mos na e bëri ne favor se e kishim ne drejtësinë në dorë, apo çështja është më e thellë se kaq.
Foltoren në oborrin tonë ne do e zgjidhin, edhe kur fërkoni barkun se ju vjen mirë, ne do e zgjidhim, nuk do e zgjidhim për PD por për Shqipërinë sepse është çështje më e madhe se PD, për të ndaluar aty ku jo doni ta kaloni duke u hedhur hi shqiptarëve. Maja e piramidës nuk preket dhe kokat e turkut hidhen gjatë gjithë kohës, mesazhi është se ata që kalojnë këtej e andej t’i hedhim t’i bëjmë leckë dhe t’i dënojmë.
Boll me pangopësi. Flisni për fëmijët tërmetin pandeminë, por ju s’dini të thoni të vërtetat tuaja qoftë dhe të vogla. Për mua kriminale është tallja me fatet e njerëzve dhe jo me të politikanëve. Juve thoni për ata që kanë më shumë nevojë, kush janë ata që kanë më shumë nevojë? Si i përcaktoni? Ju jepni disa para mëshire. Ata që kanë më shumë nevojë janë gjysma e popullsisë. S’mund të jetohet me 80 mijë lekë të vjetra”, tha Duma.
