Ish-kryeministri Sali Berisha e cilësoi madhështore protestën e mbrëmjes së sotme, pavarësisht se ishte lajmëruar vetëm dy ditë më parë.
Berisha tha se sot shqiptarët dolën në protestë për hallet e tyre të injoruara nga qeveria, por dhe nga opozita e drejtuar nga ish-kryetari Lulzim Basha.
Berisha tha se në vijim protestat do të jenë edhe më të mëdha dhe askush nuk do të mund t’i ndalë më.
‘Herës tjetër do të ketë program protestash dhe asgjë nuk do na pengojë pa bërë transparencë të plotë për të gjitha lidhjet e tmerrshme për krimin, për zgjedhjet.
Cili do të jetë drejtimi i PD, atë e përcaktojnë anëtarët e saj. Një gjë është e sigurtë se PD e rithemeluar është një shumicë e jashtëzakonshme. Është grupacioni më i lirë i kësaj toke që nuk e ndalon dot më asgjë. Kurrë kjo masë njerëzish, kurrë këto transformime të jashtëzakonshme nuk mund të jenë të lidhura me një problem personal. Pra nuk është halli i Sali berishës, por përkundrazi janë hallet e injoruara në mënyrë të tmerrshme të qytetarëve shqiptarë, që përfundoi në mënyrën më të shpifur atë të bravës. Po të lexoni veprat e Dostojevskit nuk gjeni një personazh të tillë’, tha Berisha.
Pyetje: Nuk ishte i tillë para pak javësh?
Berisha: Kur njeriu shpalos veten nuk mund të mos e lexosh. Lul Brava shpalosi veten.
Pyetje: Do dilni në protestë kundër Bashës?
Berisha: Një gjë ëhstë sot ka një shumicë në njëjrën anë, një pakicë në anën tjetër. nëse kjo pakicë nuk njeh shumicën, e vërteta ëhstë se do mbahet përgjegjëse në mënyrë shembullore ajo dhe Edi rama. Shumicën nuk mund ta marrësh peng.
