Ish-ministri i Drejtësisë, Ylli Manjani, ka konfirmuar pjesmarrjen në protestën e nesërme që do të zhvillohet në Tiranë, kundër nismës së treshes Rama-Vuçiç-Zaev për ‘Mini-Shengenin’ të cilët do të jenë nesër në Tiranë.
Në postimin e tij, Manjani shkruan se nuk do të protestojë kundër mysafirëve, por kundër të zotit të shtëpisë. Sipas tij nuk i zoti i shtëpisë nuk mundet të shpallë mik të Shqipërisë njeriun i cili nuk njeh Kosovën.
Kujtojmë që protesta e nesërme që do të zhvillohet në orën 16:00 para kryeministrisë ëhstë thirrur nga ish-kryeministri Sali Berisha.
Postimi i Manjanit:
Nesër do jem në protestë jo për të protestuar kundër mysafirëve, por kundër të zotit të shtëpisë.
Kundër të zotit të shtëpisë që nuk përfaqëson dot shumicën e shqiptarëve, ndonëse në zgjedhjet e fundit ishte më i votuar se pengu i tij. Ai nuk u votua nga shumica absolute e shqiptarëve.
I zoti i shtëpisë nuk mund të shpallë mikun e tij personal si mik të Shqipërisë. As të Shqiptarëve. Aq më keq kur ulet në krah të tij dhe përballë Kosovës, shqiptarëve!
Ky pozicion politik i qeverisë sonë është i papranueshëm!
Kush nuk njeh Kosovën nuk respekton as Shqipërinë!
Mysafirin ta rehatojnë si mysafir, por jo si mik të Shqipërisë e shqiptarëve, të cilët ende nuk i njeh si shtet e as i respekton si komb.
Protesta është jeta e një kombi dhe zemra e demokracisë.
Do jem aty si qytetar, patjetër!
