Një grua e moshuar ka humbur jetën në kryeqytet këtë të Shtunë, pasi banesa ku jetonte u përfshi nga flakët.
“Rreth orës 15:50, në Shkozë, në afërsi të shkollës ‘Androkli Kostollari’, ka rënë zjarr në banesën e shtetases M.B., 90 vjeçe, e cila jetonte e vetme dhe si pasojë e zjarrit ka humbur jetën”, njoftoi policia.
Grupi hetimor ndodhet në vendngjarje dhe po punon për të përcaktuar shkaqet e rënies së zjarrit dhe zbardhjen e rrethanave të ngjarjes, shtuan të njëjtat burime.
