Deputeti Kreshnik Çollaku nga ambientet e Pallatit të Kongreseve, atje ku Lulzim Basha ka thirrur mbështetës të tij në përpjekje për të organizuar një Kuvend, tha se ky është Kuvendi legjitim i demokratëve.
Çollaku tha se propozimi që personat e shpallur non grata mos jenë pjesë e strukturave të PD, s’ka të bëjë me emër konkret por është standard i ri PD-së.
“Kjo është hera e parë që raporti i PD me SHBA është prioritet dhe strategji. Është një marrëdhënie kryesore, është një standard normal. PD ka një betejë të madhe për luftën kundër korrupsionit dhe ata që janë shpallur “non grata” nuk mund të kenë poste të larta drejtuese brenda PD-së. Ne mendojmë që të vendosim një standard të ri me Amerikën në krah.
Është shkarkim nga komisionet nuk ka lidhje me Berishën. Kryesia dhe këshilli kombëtar kanë shkarkuar veten duke marrë pjesë në një aktivitet politik kundër interesave të PD. Ata kanë shprehur vetë në mënyrë publike që nuk e bëjnë punën dhe zëvendësohen me të rinj.
PD nuk duhet ti devijojë këtij boshti, Basha ka detyrë për ta mbajtur PD pro Europës, pro perëndimit, momentalisht duhet ta pranoj se kjo është një dallgë e trazuar. Debati i cili mbyt më shumë opinionin është debat i dytë për të mbuluar një përpjekje nga aksi i PD për partneritetin me SHBA, PD ka lindur një parti pro amerikan, ne nuk mund ta tradhtojmë PD për interesa të dikujt.
Çfarë ndryshime sjell Kuvendi i 18 dhjetorit? Ky Kuvend hap një epokë të re një PD pro perëndimore, pro amerikane. PD të jetë pjesë e emancipuar. Shumica e madhe e anëtarësisë në vitin 92’ u zhgënjye dhe u larguan nga PD prandaj ne sot duam të rikthejmë PD në të njëjtën mbështetje njësoj si në vitet 90’”, tha Çollaku.
