Anëtari i Komisionit të Rithemelimit të PD, Gent Strazimiri dënon dhunën e ushtruar ndaj selive të PD me urdhër të të shkarkuarit Lulzim Basha.
Ai shkruan në Facebook se drynat, hekurat dhe zinxhirët që po përdor Basha për të mbyllur zyrat, kanë qenë instrumente të Sgurimit të Shtetit dhe jo të demokratëve.
Strazimiri thotë se Lulzim Basha po tenton të realizojë ëndrrën e Sigurimit të Shtetit për të përjashtuar Sali Berishën.
Deklarata
Sakrilegj kundër LIRISË, përdhosja e shtëpisë së DEMOKRATËVE!
Drynat, hekurat dhe zinxhirat janë “vegla pune” të Sigurimit të Shtetit dhe atyre që përmbysëm 31 vjet më parë, jo të demokratëve!
Një mbledhje ku të përjashtohet nga PD Sali Berisha është ëndrra më e bukur, por e parealizuar, e parealizueshme, e Sigurimit të Shtetit, jo e demokratëve!
Është një ëndërr që ëndërr do t’u mbetet gjithmonë, sepse demokratë ka shumë më shumë nga ç’ka patur e do të ketë spiuna Sigurimi dhe ata që përmbysëm 31 vjet më parë.
