Lideri historik i PD, Sali Berisha, deklaroi në studion e ‘Opinion’ se Edi Rama e ka marrë peng Lulzim Bashën përmes dosjes ‘Muzin’.
Berisha tha se është informuar nga miqtë e tij amerikanë për këtë dosje, ndërsa i kanë thënë se Basha do të arrestohet, por kur dosja erdhi Rama nuk e çoi dosjen në prokurori.
‘E kam mbrojtur tek dosja Muzin deri në momentin që kam mësuar se Muzin ka ndërruar dëshminë. Muzin nuk ka deklaruar për Lulzim Bashën. Qendrimi im nuk ndikohet kurrë veçse nga ajo që unë konceptoj s të vërtetë. Mua më kanë marrë miq të mi nga Uashingtoni dhe më thanë që Lulzim Basha do të prangoset. Kur mora vesh që dosja ka ardhur dhe nuk është dorëzuar në prokurori, atëherë unë e konsideroj atë të marrë peng’, deklaroi Berisha.
